జనోదయ,కమాన్‌పూర్‌, సెప్టెంబర్‌ 17:
కమాన్‌పూర్‌ మండల కేంద్రంలోని వివిధ వార్డుల్లో గణపతి నవరాత్రి ఉత్సవాల్లో భాగంగా ప్రతిష్ఠించిన గణనాథులను గురువారం కాంగ్రెస్‌ నాయకుడు ఇనగంటి రామారావు దర్శించుకుని ప్రత్యేక పూజలు నిర్వహించారు.
కేశవనగర్‌, హనుమాన్‌నగర్‌, గోకుల్‌నగర్‌, సుభాష్‌నగర్‌, రాంనగర్‌, దాసరిపల్లె, ఓల్డ్‌ అంబేద్కర్‌నగర్‌, న్యూ అంబేద్కర్‌నగర్‌, శ్రీనగర్‌, కమాన్‌పూర్‌ ఎక్స్‌రోడ్‌తో పాటు పలు ప్రాంతాల్లోని గణపతి మండపాలను సందర్శించారు. ఉత్సవ నిర్వాహకులతో మాట్లాడిన రామారావు ఏర్పాట్లను అడిగి తెలుసుకున్నారు.
ఈ సందర్భంగా రామారావు మాట్లాడుతూ.. గణేష్‌ నవరాత్రి ఉత్సవాలు ప్రజల్లో భక్తిభావంతో పాటు ఐక్యతను పెంపొందిస్తాయని అన్నారు. ప్రతి మండపం వద్ద నిర్వాహకులు శాంతిభద్రతలు, పారిశుధ్యం, విద్యుత్‌ భద్రతపై ప్రత్యేక శ్రద్ధ వహించాలని సూచించారు. భక్తిశ్రద్ధలతో ఉత్సవాలను ప్రశాంత వాతావరణంలో నిర్వహించాలని కోరారు. గణపతి ఆశీస్సులతో ప్రజలందరూ సుఖసంతోషాలతో ఉండాలని ఆకాంక్షించారు.
కార్యక్రమంలో పలువురు కాంగ్రెస్‌ నాయకులు ఆయన వెంట ఉన్నారు.
