జనోదయ, గంగాధర, జూన్ 2:
బూరుగుపల్లి గ్రామ తొలి మహిళా సర్పంచ్గా సేవలందించిన కీ.శే. శ్రీమతి మాచర్ల గంగాదేవి 8వ వర్ధంతి సందర్భంగా ఆమె సేవా స్ఫూర్తిని స్మరించుకుంటూ అంగన్వాడీ కేంద్రానికి 20 కుర్చీలను విరాళంగా అందజేశారు.
గ్రామంలోని అంగన్వాడీ కేంద్రంలో చిన్నారులు కూర్చోవడానికి సరైన సౌకర్యాలు లేక ఇబ్బందులు పడుతున్న విషయాన్ని తెలుసుకున్న ఆమె కుమారుడు మాచర్ల శరత్ కుమార్, తన తల్లి జ్ఞాపకార్థం ఈ కుర్చీలను అందించారు. గ్రామ సర్పంచ్ దూలం కళ్యాణ్ ఆధ్వర్యంలో జరిగిన కార్యక్రమంలో అంగన్వాడీ సిబ్బందికి కుర్చీలను అందజేశారు.
ఈ సందర్భంగా గ్రామస్తులు, అంగన్వాడీ కార్యకర్తలు మాట్లాడుతూ చిన్నారుల సౌకర్యాన్ని దృష్టిలో పెట్టుకుని చేసిన ఈ సహాయం అభినందనీయమని పేర్కొన్నారు. అంగన్వాడీ కేంద్రానికి అందించిన కుర్చీలు చిన్నారుల రోజువారీ కార్యకలాపాలకు ఎంతో ఉపయోగపడతాయని తెలిపారు.
మాచర్ల గంగాదేవి గ్రామ అభివృద్ధి, ప్రజాసేవల పట్ల చూపిన అంకితభావాన్ని గుర్తు చేసుకుంటూ, ఆమె ఆశయాలను కొనసాగించే దిశగా మాచర్ల శరత్ కుమార్ చేపట్టిన ఈ కార్యక్రమం ఆదర్శప్రాయమని గ్రామ పెద్దలు కొనియాడారు. సేవా భావంతో సమాజానికి ఉపయోగపడే కార్యక్రమాలు చేపట్టడం ద్వారా మహనీయుల జ్ఞాపకాలను సజీవంగా నిలుపుకోవచ్చని వారు పేర్కొన్నారు.
కీ.శే. మాచర్ల గంగాదేవి వర్ధంతి సందర్భంగా నిర్వహించిన ఈ కార్యక్రమం గ్రామంలో ప్రత్యేకంగా నిలిచి, చిన్నారుల సంక్షేమం పట్ల కుటుంబ సభ్యుల సామాజిక బాధ్యతను చాటిచెప్పింది.
